Waagii dillaacaba,
Qaraxan daryaamee,
Dadkayga laayay,
Dhiiggan dareera,
Dawlad la’aantan,
U dulqaadan waayay!
*****
Qofkan dalaalsan,
Oon runtu deeqin,
Daaha iska saaree,
Ee damiir la’aanta ah,
Oo walaalkii dilaaya,
Ee diinta sheegta,
Dadkii halaagay,
U dulqaadan waayay!
*****
Madax la doortay,
Oo dhaqaale doon ah,
Xilkood daryeelin,
Dalal qalaad iyo,
Dalxiis ku waashoo,
Dibadda uun wareega,
Dawlad la’aantan,
U dulqaadan waayay!
No comments:
Post a Comment